Сĕнтервăрри районта чăваш чĕлхипе литература эрни пуçланчĕ:

Чăваш халăхне çутта кăлараканĕ, аслă вĕрентекенĕмĕр И.Я.Яковлев çуралнă кун пĕтĕм чăваш халăхĕ Чăваш чĕлхи кунне паллă тăвать. Эпир те, Хуракасси шкулĕнче вĕренекенсемпе вĕрентекенсем, çак куна анлăн паллă тума чăваш чĕлхипе литература эрнине ирттеретпĕр. Паян, ака уйăхĕн 24-мĕшĕнче, 7-мĕш класра вĕренекенсем шкул ачисем умĕнче чăваш чĕлхин илемлĕхĕ, пуянлăхĕ, тасалăхĕ çинчен каласа кăтартрĕç, кашни чăваш çыннин хăйĕн тăван чĕлхине пысăка хурса хаклама, упрама, аталантарма тивĕç пулнине палăртса хăварчĕç. (смотреть)