Ҫак кунсенче  А.Г.Николаев ячӗпе хисепленекен Муркаш районӗнчи Калайкасси вӑтам шкулӗнче Чӑваш Республикинчи Амӑшӗпе ашшӗ ҁулталӑкне тата Чӑваш халӑх поэчӗ П.Хусанкай ҁуралнӑранпа 110 ҁул тултарнине халалланӑ  «Чӑваш ачи чӑвашах» фестиваль иртрӗ.
              Ку фестивале республика шайӗнче Чӑваш кунӗсем ирттернӗ шкулсене чӗннӗ. Сӗнтӗрпуҁӗнчи пӗтӗмӗшле пӗлӳ паракан тӗп шкул та фестивальте хутшӑнма тивӗҁ пулчӗ.
            Фестивальре хутшӑнакансем хӑйсен пултарулӑхне виҁӗ ӑмӑртура кӑтартма пултарчӗҁ.
           «Вӗренетпӗр чӑвашла» ӑмӑртура чӑваш чӗлхи предметне  вӗрентмен учительсем хутшӑнчӗҫ. Чӑвашла уроксем кӑтартрӗҫ.
Сӗнтӗрпуҁӗнчи пӗтӗмӗшле пӗлӳ паракан тӗп шкул ертӳҫи Елизавета Викторовна Матюшова  панӑ «А.С.Пушкин чӑваш ҫӗрӗнче»  урока  жюрисем ырӑпа асӑнчӗҁ. Елизавета Викторовна лауреат пулса тӑчӗ.
Уҁӑ уроксем панӑ хыҁҁӑн вӗрентекенсем «Чӑваш чӗлхине аталантарассин тӗп туртӑмӗсем» ҁавра сӗтелте хӑйсен шухӑшӗсене палӑртрӗҫ, тухса калаҁрӗҁ.
           «Савӑнатӑп эп чӑваш пулнишӗн» ӑмӑртура 3-4 классенче вӗренекен ачасем чӑваш халӑхӗн йӑлине кӑтартса пачӗҁ. Сӗнтӗрпуҁӗнчи пӗтӗмӗшле пӗлӳ паракан тӗп шкул ачисем чӑваш вӑййине кӑтартса виҁҁӗмӗш вырӑна тухрӗҁ.
          «Сар каччӑпа сарӑ хӗр» ӑмӑртура 7- мӗш класра вӗренекен Колесникова Алинӑпа 9- мӗш класра вӗренекен Воронков Антон чӑваш халӑх историпе культурине, чӗлхипе йӑли-йӗркине пӗлнипе лауреатсем шутне кӗчӗҫ. Ҫӗнтерӳҁӗсемпе лауреатсене тав хучӗпе чысларӗҁ.
          Унтан пур ача та «Чӑвашра вӑрман та чӑвашла кашлать» вӑййа хутшӑнчӗ. Тӗрлӗ чӑваш вӑййисем выляса киленчӗҫ.
         Уяв вӑйӑ картипе вӗҫленчӗ.Чӑваш тумӗ тӑхӑннӑ 250 ҫын вӑйӑ картинче тулли карталанса утрӗ. Вӑйӑ карти варринче чӑваш юрри-ташши хуҫаланчӗ.

ФОТООТЧЁТ>>>