И.Я.Яковлев Чӗмпӗрти чӑваш шкулне уҫнӑ,чӑваш алфавитне тунӑ,чӑваш букварьне кӑларнӑ , Библи сыпӑкӗсене чӑвашла куҫарнӑ.Чӗмпӗртен 1000 ытла учитель вӗрентсе кӑларнӑ.
         Чӑваш халӑхне  ҫутта  кӑлараканӗ, чӑвашсен ҫырулӑхне тӑваканӗ,куҫаруҫӑ,вӗрентекен ҫуралнӑранпа  170 ҫул ҫитнӗ ятпа  тата К.В.Иванов ячӗллӗ Ӗҫлӗх Хӗрлӗ Ялав орденлӑ Чӑваш патшалӑх  академи театрӗ 100 ҫула ҫитнӗ ятпа  пуш уйӑхӗн 28-мӗшӗнче театрта И.С.Максимов-Кошкинский ҫырнӑ  «Вӗри чунлӑ ҫемҫе чун» драмине  лартрӗҫ.
Драмӑри ӗҫсем 1906-1912 ҫулта  Чӗмпӗр  хулинче тата Пушкӑртри Слакпуҫ ялӗнче пулса иртеҫҫӗ.
Артистсем Чӗмпӗр шкулӗнчен  пултаруллӑ ҫамрӑксем вӗренсе тухнине, И.Я.Яковлев  чӑваш халӑхӗшӗн  пысӑк пӗлтерӗшлӗ ӗҫ тунине  куракансем  патне  витӗмлӗ илсе ҫитерме пултарчӗҫ. Уйрӑмах Сӗнтӗрпуҫ шкулӗнче вӗренекенсене  драмӑра  Валерий Карпов артист     К.Иванов сӑнарне ӗнентерӳллӗ выляни хумхантарчӗ.
Куракан  шкул ачисем  театра тата унта ӗҁлекенсене сцена ҁинче   илемлӗ те пысӑк  пӗлтерӗшлӗ   пьеса  кӑтартнӑшӑн тав турӗҁ, тулли кӑмӑлпа киле таврӑнчӗç.