2021 çулхи ака уйăхĕн 15-25-мĕшĕсенче Чăваш Республикин вĕренÿ институчĕ чăваш чĕлхи кунне тата çĕнĕ чăваш çырулăхне туса хунăрантпа 150 çул çитнине халалласа «Эпĕ чăвашла калаçатăп» акци ирттернĕ. Акци тĕллевĕ: чăваш чĕлхине упраса хăварасси, аталантарасси, халăх хушшинче сарасси. Пирěн ача пахчинчен «Ягодка» ушкăна çÿрекен Николаев Антон хаваспах хутшăнма кăмăл турě. Пире, педагогсене, ку паллах савăнтарать.  Маттур ача чăваш чĕлхи çинчен сăвă каласа пачě. Эпир Антона саламлатпăр! Малалла  çитěнÿсем туса пыма сěнетпěр.