Васильева Людмила – « Хусанкай вулавĕсем - 2022»
фестиваль ҫĕнтерӳҫи
«Чăваш ҫĕрĕн мухтавлă ҫыннисем» ҫулталăка уҫнă май Урхас Кушкăри 6 - мĕш класри вĕренекенсем Чăваш халăх сăвăҫи Петĕр Хусанкай ҫуралнăранпа 115 ҫул ҫитнине палăртрĕҫ.Унăн пултарулăхĕ тĕлĕнмелле пуян, вăл чăваш халăхĕшĕн паха хайлавсем ҫырса хăварни вулакансене шухăшлаттарать, унăн хайлавĕсене вулама хистет. Ҫĕр ҫинче тăван , анне чĕлхи, пуриншĕн те хаклă, ҫавăнпа та сăвăҫ хайлавĕсенче тăван чĕлхене , тăван халăха юратма, хаклама, ăна упрама чĕнни паянхи куншăн уйрăмах ҫивĕч.
Вĕренекенсем халăх сăвăҫин хайлавĕсемпе паллашрĕҫ, Васильева Людмила « Тилли юррисем» хайлаври « Мехел тени мĕскер?» сăвва палăртуллă вуласа чуна тыткăна илчĕ. Вĕренекен Петĕр Хусанкайăн сăввин тĕп шухăшне ăнланса, ăшри ырлăха сăмах витĕмĕпе кăтартма ăсталăх ҫитерчĕ.
Чăваш Республикин вĕренӳ институчĕ йĕркеленипе 2022 ҫулхи 12-24 –мĕшĕсенче П.Хусанкай сăвăҫ ҫуралнăранпа 115 ҫул ҫитнине халалласа вĕренекенсемпе вĕрентекенсен пултарулăхĕн « Хусанкай вулавĕсем –2022» регион фестивалĕ иртрĕ.
6- мĕш класра вĕренекен Людмила Васильевăпа фестивале хутшăнма видеоролик хатĕрлесе ятăмăр , пултаруллă вĕренекен 5-7классем хушшинче 1- мĕш вырăна ҫĕнсе илме пултарчĕ.
Васильева Людмилăна фестивале хутшăнса ҫĕнтерӳҫĕ ятне илнĕ ятпа саламлатпăр, вĕренӳре те, пултарулăх конкурсĕнче те яланах хастар та тăрăшуллă пулма ҫирĕп сывлăх, анăҫу, ҫитĕнӳ сунатпăр.
Г.В. Петрова, класс ертӳҫи