Чăваш Республикин вĕренÿ институчĕ кăçал пĕрремĕш хут  «Несĕл эткерлехĕ» конкурс ирттерчĕ. Конкурсăн тĕп тĕллевĕ – чăваш халăхĕн культурине çемьере тытса пырасси, йăли-йĕркине, ăсталăхне упраса хăварасси.

Конкурса чăвашлăха упракан 25 çемье хутшăнчĕ. Конкурса тăратнă ĕçсенчен тăххăрăшĕ «Эпир – туслă кил-йыш» номинаципе, тепĕр тăххăрăшĕ – «Пирĕн тăван кĕтес» номинаципе, виççĕшĕ – «Эпир тăван халăхăмăрăн йăли-йĕркисене кил-йышра тытса пыратпăр!» номинаципе, тăваттăшĕ – «Ĕмĕр-ĕмĕр янра эс, тăван чĕлхем» номинаципе пулчĕç.

Видеороликсенче конкурсантсем çемьен пурнăçне, кил-йыш тĕп вырăна мĕне хунине, наци традицийĕн, культурин уйрăмлăхĕсене уçса пачĕç,  тăван ялăн, хулан, республикăн паллă вырăнĕсем çинчен каласа пачĕç.

Жюри членĕсем кашни ĕçпех тимлĕ паллашрĕç. Хуракаси вӑтам шкулӗнчи 8 класра вӗренекен Анастасия  Перцева призер пулса тӑнӑ. Хӑйӗн видеороликинче Настя тӑван Нарат Чакки ялӗ ҫинчен каласа пачӗ.

Конкурса хутшăннă Перцева Анастасийӑна саламлатпăр. Ĕçре, вĕренÿре ăнăçу сунатпăр!   

8 класс ертӳҫи Т.В.Михайлова